Veiði | mbl | 2.9.2018 | 16:36 | Uppfært 17:32

Stærsti lax sumarsins í Vatnsdal

Sturla með stórfiskinn. Mældur 102 sentímetrar og það í Hnausastreng, sem er forfrægur stórlaxastaður í Vatnsdalsá. Ljósmynd/Aðsend

Sturla Birgisson landaði stærsta laxi sumarsins í Vatnsdalsá í morgun. Fiskurinn mældist 102 sentímetrar og veiddist í þeim fornfræga stórlaxastað Hnausastreng. Að sögn Björns K. Rúnarssonar leiðsögumanns við Vatnsdalsá tók fiskurinn fluguna Frigga. Ekki fylgdi sögunni hvernig útfærslu af þessari umtöluðu flugu var um að ræða en þær eru til í ýmsum litum og stærðum.

Björn Rúnarsson sagði í samtali við Sporðaköst að sett hefði verið í annan fisk af svipaðri stærð en hann slapp. Sjö laxar komu á morgunvaktinni í Vatnsdalsá en þar hefur verið virkileg treg veiði eins og víða í Húnaþingi.

Sturla hefur veitt nokkra laxa í þessum stærðarflokki í Vatnsdalsá. Sjónarvottar segja að viðureignin hafi verið hörð og staðið í hálftíma. Þá var fiskurinn mældur, eins og fyrr segir, 102 sentímetrar og fékk svo frelsi.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.