Veiði | mbl | 2.9.2018 | 19:48 | Uppfært 20:10

Stórlax á land í Nesi

Nils hampar hrygnunni stóru að lokinni löndun. Aðsend

Danski stórveiðimaðurinn Nils Folmer Jorgensen landaði enn einum stórlaxinum úr Laxá í Aðaldal í gærmorgun.

Landaði hann 107 cm hrygnu sem tók í Grundarkvísl á Nessvæðinu í Laxá og reyndist vera 58 cm að ummáli. Tók hrygnan stóra fluguna Meridian tvíkrækju númer 8. Samkvæmt hefðbundum kvörðum sem notaðir eru til að meta þyngd laxa úr frá lengd og ummáli er þessi lax á bilinu 13,5 til 15,1 kíló að þygnd.

Annars er veiðin fremur róleg þessa dagana í Laxá og landaði hópur veiðimanna þar níu löxum eftir þriggja daga veiði og fékk Nils sjálfur átta af þeim.

Þetta er þó ekki stærsti lax sumarsins hjá Nils í sumar því 19. júlí landaði hann 111 cm hæng á Nessvæðinu sem hann setti í á veiðistaðnum Vitaðsgjafa og náði að landa eftir mikið basl í Presthyl. Er það stærsti lax sem frést hefur af á landinu á þessu sumri.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.