Veiði | mbl | 16.9.2018 | 15:24 | Uppfært 17:27

Dauft á Sléttu

Styttist í löndun úr veiðistaðnum Sleipni í Deildará á Sléttu fyrr í sumar. Freyr Guðmundsson

Laxveiðin hefur verið talsvert róleg í ánum á norðaustanverðu landinu í sumar og margar ár þar langt frá sínu besta.

Að sögn Freys Guðmundssonar sem heldur utan um veiðirétt á Deildará á Sléttu þá hefur veiðin þar í sumar verið róleg og stórlaxinn aldrei skilað sér af einhverju viti. Um 150 laxar eru komnir á land og líklegt að áin endi í kringum 160 laxa.

Sama sagan virðist vera í nágrannaánni Ormarsá þar veiðin hefur verið mjög róleg í sumar. Þann 2. september var búið að færa til bókar 131 lax sem þykir mjög rólegt á þeim slóðum þar sem meðalveiði síðustu árin hefur verið nálægt 500 löxum.

Svipaðar sögur heyrast úr Þistilfirðinum þar sem flestar árnar eru langt frá sínu besta og veiði almennt rólegt. Þó eru leigutakar Svalbarðsár nokkuð sáttir með veiðina i sumar og fyrir rúmri viku síðan voru 324 laxar komnir í bók sem er á nokkuð svipuðu róli og síðustu tvö sumur og sjötta besta sumarið síðan um aldamót.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.