Veiði | mbl | 17.9.2018 | 14:33

Veiðiþjófar við Elliðaárnar

Ungur veiðimaður glímir við lax í Hundasteinum í Elliðaánum. svfr

Í gær varð vart við grunsamlegar mannaferðir ofarlega í Elliðaánum og kom í ljós að þar voru menn á ólöglegum veiðum enda var síðasti veiðidagur sumarsins daginn áður.

Voru þeir að veiða á spún í Höfuðhyl sem er efsti veiðistaður árinnar en aðeins er veitt á flugu á þessu svæði yfir sumarið. Biðla umsjónamenn árinnar til fólks sem verður var við slíkt að tilkynna það til Stangveiðifélags Reykjavíkur og gott væri að taka niður skráningarnúmer á bifreið meintra veiðiþjófa.

Það styttist í að lokatölur fyrir veiðina í Elliðaánum verði klárar en þegar síðast fréttist voru skráðir 953 laxar í veiðibókina sem er besta veiði í ánum síðan árið 2013.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.