Önd í laxateljaranum

Það eru ekki bara laxar sem eru festir á filmu í laxateljurum. Þessi gulönd gerði sér lítið fyrir og kafaði í gegnum teljarann í Krossá í Bitru fyrir nokkrum dögum. Sigurður Már Einarsson fiskifræðingur hjá Hafrannsóknastofnun sendi okkur þetta skemmtilega myndskeið. Ekki er langt síðan að mbl birti myndskeið af mink sem kafaði í gegnum þennan sama teljara.

Það vekur athygli hvað myndgæðin eru orðin góð í teljurunum en eitt af hlutverkum þeirra er aukin vöktun með eldislaxi, eins og mbl hefur greint frá áður. Gulöndin er mikill sundgarpur og étur mikið af laxaseiðum. Hið mjóslegna fiskinef gulandarinnar er alsett göddum og nái gulönd bráð sleppur hún ekki. Stofninn er talinn frekar lítill og gulöndin er talin staðfugl, að því er kemur fram í bókinni Fuglar í náttúru Íslands.

Hún er afbragðskafari og getur verið í kafi í allt að tvær mínútur. Gulöndin er friðuð.

Gulöndin kafaði fimlega í gegnum laxateljarann.
Gulöndin kafaði fimlega í gegnum laxateljarann.
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Víðidalsá Stefán Elí Stefánsson 4. september 4.9.
101 cm Laxá í Dölum Hafþór Jónsson 27. ágúst 27.8.
102 cm Haukadalsá Ármann Andri Einarsson 23. ágúst 23.8.
103 cm Laxá í Aðaldal Birgir Ellert Birgisson 12. ágúst 12.8.
103 cm Miðsvæði Laxá í Aðaldal Máni Freyr Helgason 11. ágúst 11.8.
101 cm Laxá í Aðaldal Agnar Jón Ágústsson 10. ágúst 10.8.
101 cm Laxá í Aðaldal Richard Jewell 9. ágúst 9.8.

Skoða meira

Fleira áhugavert
Fleira áhugavert