Veiði | mbl | 30.9.2018 | 21:18 | Uppfært 1.10.2018 22:40

Ágætt sumar í Reykjadalsá

93 cm hængur sem veiddist í Klettsfljótinu á flugu um miðjan ágúst. Þetta reyndist stærsti laxinn úr ánni í sumar. svfk

Veiði lauk í Reykjadalsá í Borgarfirði í hádeginu í dag og venju samkvæmt var það stjórn Stangveiðifélags Keflavíkur sem lokaði ánni og eru menn þar á bæ ánægðir með afrakstur sumarsins.

Að sögn Óskars Færseth hjá félaginu þá var áin bólgin og mikið vatn í kjölfar rigninga daganna á undan þegar veiði hófst þar á föstudag. Byrjaði að lækka í ánni efir hádegið á laugardag og aðstæður urðu þá skaplegri og tók veiðin kipp og endaði lokahollið með 19 laxa sem Óskar sagði að væri fráær veiði á tvær stangir í tvo daga.

Þegar búið var að leggjast yfir veiðibókin í hádeginu í dag kom í ljós að lokatölur urðu 267 laxar og 60 urriðar. Þetta er talsvert yfir meðalveiði síðustu 12 ára að sögn Óskars og voru auk þess sem óvenju margir sjógegnir urriðar veiddust á þessu sumri.

Algjör metveiði var í júní og júlí þegar að 151 laxi var landað sem er óvanalegt því áin er þekktari sem síðsumarsá. Stærstu laxar sumarsins voru 93 og 91 sm höfðingjar sem veiddust um miðjan ágúst og undir lok veiðitímans í september.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.