Veiði | mbl | 17.4.2019 | 13:19

Tungulækur kominn í 400 fiska

Vænum sjóbirtingi sleppt í Tungulæk. Þessi magnaða sjóbirtingsá er nú komin í 400 fiska, en vorveiðin hófst í byrjun mánaðar. Ljósmynd/TE

Vorveiðin í Tungulæk hefur verið prýðisgóð. Nú eru komnir á land um 400 sjóbirtingar. Uppistaðan í aflanum eru fiskar sem mælast 60 - 70 sentimetrar. Stærstu sjóbirtingarnir hafa verið að mælast allt að 85 sentimetrar. Tungulækur er rétt neðan við Kirkjubæjarklaustur og er ein öflugasta sjóbirtingsá landsins, þrátt fyrir að vera stutt. Hún fellur út í Skaftá og er neðsti hluti Tungulækjar eitt þéttsetnasta svæði á landinu, af sjóbirtingi. Öllum fiski í ánni er sleppt og er einungis veitt á flugu. Veitt er á þrjár stangir.

Nýtt veiðihús er að rísa við Tungulæk og er stefnt að því að húsið verði tilbúið fyrir haustveiðina. Haustveiðin hefst 1. september og stendur fram til 20. október. Vorveiðin hófst 1. apríl og stendur út maímánuð. Stöku lax gengur í Tungulæk og þar má líka finna bleikju.

Dæmigerður veiðistaður neðarlega í Tungulæk. Þar er veitt á þrjár stangir út maí og svo tekur haustveiðin við í september. Ljósmynd/TE

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.