Veiði | mbl | 24.4.2019 | 15:34

Ion með hæsta boð í Þorsteinsvík

Frá opnun ION svæðisins nú í vor. Núverandi leigutakar voru með hæsta boð í veiðirétt fyrir næstu fimm árin. Ljósmynd/Aðsend

Ion Fishing ehf reyndist vera með hæsta tilboð í veiðirétt í Þorsteinsvík fyrir landi Nesjavalla, þegar tilboð voru opnuð á útboðsvef Orkuveitu Reykjavíkur. Fjögur tilboð bárust. Eins og fyrr segir átti Ion Fishing hæsta boð og hljóðaði það upp á rúmar 7,2 milljónir króna. Næst hæsta tilboð átti Veiðifélagið Hreggnasi ehf upp á 6,5 milljónir króna. Fish Partner ehf bauð ríflega 6,1 milljón og lægsta boð átti Fly Fishing in Iceland ehf upp á 2,2 milljónir króna.

Boðinn var út leiguréttur til fimm ára – árin 2020 til og með 2024. Tilboðstölurnar sem nefndar voru hér að ofan miðast við árlega greiðslu út samninginn.

Ion Fishing ehf hefur verið með svæðið til leigu af OR og er það gjarnan kennt við félagið, eða ION svæðið. Um er að ræða veiði í hinni vel þekktu Þorsteinsvík og eru þar leyfðar tvær stangir.

Ion Fishing ehf birti póst á facebook síðu félagsins í hádeginu þar sem þeir segja veiðina hafa gengið ótrúlega vel og fyrstu vikuna komu á land fimm hundruð fiskar. Veiði hófst í Þorsteinsvík þann 15 apríl.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.