Veiði | mbl | 27.4.2019 | 18:00

Vatnamótin komin yfir 500 fiska

Helgi Guðbrandsson og Kristinn Ævar Gunnarsson með sjóbirtinga sem veiddust í morgun í Vatnamótum. Ljósmynd/Aðsend

Um miðjan dag í dag var búið að færa 511 fiska til bókar í Vatnamótunum, skammt austan við Kirkjubæjarklaustur. Góð veiði hefur verið á svæðinu alveg frá því að vorveiðin hófst í byrjun mánaðar. Veiðisvæðið gengur undir nafninu Vatnamót enda mætast þar Skaftá, Fossálar Breiðbalakvísl og Hörgsá.

Þegar sjóbirtingurinn gengur niður þessar ár safnast hann oft saman í Vatnamótunum og þá getur veiðin þar verið mjög góð. Veiðimenn sem nú eru verið veiðar í Vatnamótunum hafa gert góða veiði og eru aðstæður virkilega góðar.

Megnið af fiskinum er á bilinu 70 til 80 sentímetrar og töluvert magn af geldfiski. Flugurnar sem helst hafa gefið eru; Black Ghost, Sunray shadow og Rektor, svo einhverjar séu nefndar.

Gunnar Baldur Norðdahl með flottan birting úr Vatnamótum. Flestir fiskanna eru á bilinu 70 til 80 sentímetrar. Ljósmynd/Aðsend

Sporðaköst hafa heyrt sögur af tröllslegum fiskum sem hafa sloppið í Vatnamótunum í vor og koma þær ekki á óvart þar sem veiðisvæðið er þekkt fyrir gríðarstóra fiska. Veitt er á fimm stangir á svæðinu og eru leyfi seld að Hörgslandi.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.