Veiði | mbl | 11.5.2019 | 12:50

Sjáðu fluguna sem risalaxinn tók

Aik Boyman með risalaxinn úr Mörrum. Hann mældist 118 sentímetrar og vigtaði 19,3 kíló. Óvenju gott ár er í Mörrum og vonandi veit það á gott með sumarið hér á landi. Ljósmynd/Stefan Enevoldsen

Risalaxinn sem veiddist í sænsku stórlaxaánni Mörrum tók afbrigði af „The Bananafly“ eða Bananaflugunni. Sporðaköst fóru þess á leit við veiðimanninn Aik Boyman að hann tæki mynd af flugunni sem fiskurinn tók. Boyman, sem enn er brosandi, brást vel við þessu erindi og sendi okkur mynd af flugunni sem sá stóri tók. Hann segir að þetta sé ekki upprunalega Bananaflugan, heldur þróað afbrigði.

Þetta er flugan sem risalaxinn tók. Veiðimaðurinn Aik Boyman tók þessa mynd fyrir Sporðaköst. Skyldi hún virka á íslenska stórlaxa? Ljósmynd/Aik Boyman

Þetta er gerðarleg túpufluga og hefur haldið sér býsna vel þrátt fyrir átökin. Laxinn sem Boyman landaði er einn af þeim stærstu á þessari öld úr Mörrum. Hann mældist 118 sentímetrar og vó 19,3 kíló. Viðureignin stóð ekki nema í hálftíma en hann var tekinn á tvíhendu og að Eriks Hellquist sem háfaði fiskinn var tekið hraustlega á honum.

Á síðasta áratug síðustu aldar komu á land níu laxar sem vigtuðu 50 pund eða meira í Mörrum.

Nú er spurningin hvort sænskir stórlaxar hafi svipaðan smekk eins og þeir íslensku. Ef svarið við þeirri spurningu er já, þá er bara að setjast við hnýtingagræjurnar og útbúa eina svona.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.