Veiði | mbl | 26.5.2019 | 16:49

Fjölmennt við Urriðafoss - laxinn mættur

Gestir IO við Þjórsá sáu fyrstu laxan sem eru mættir að Urriðafossi. Fjölmenn lagði leið sína á kynninguna. Ljósmynd/ES

Fjölmenni mætti að Urriðafossi í Þjórsá í hádeginu. Iceland Outfitters, sem er með veiðisvæðið á leigu bauð fólki að koma og kynnast þessu nýjasta laxveiðisvæði á Íslandi. Stefán Sigurðsson annar eigandi fyrirtækisins sagðist fyrirfram ekki hafa hugmynd um hvernig fólk tæki í svona kynningu. En vel var tekið í hugmyndina og mættu um fjörutíu manns og hlýddu á Stefán og ferðuðust nokkuð um veiðisvæðið.

„Mér finnst þetta afskaplega ánægjulegt,“ sagði Stefán í samtali við Sporðaköst við Þjórsá fyrr í dag. „Ég hefði verið alsæll með tíu manns en þetta fór langt fram úr mínum björtustu vonum.“

Stefán Sigurðsson hjá IO var að vonast eftir tíu manns. Mun fleiri mættu og vildu fræðast um laxveiði í Þjórsá. Ljósmynd/ES

Tveir af lykil veiðistöðum í Urriðafossi eru Hulda og Lækjalátur. Gestir IO voru svo heppnir að laxar sáust á báðum þessum stöðum. Hann er mættur og var nokkurt magn af laxi í Huldu. Þjórsá verður fyrsta laxveiðiáin á Íslandi sem opnar og hefst formlega veiði þar á laugardag eða 1. júní. „Það er alveg ljóst að þetta mun byrja vel,“ sagði Stefán. „Hann er mættur og það mun bara bætast í þetta á næstu dögum.“

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.