Veiði | mbl | 31.5.2019 | 10:40

Klettþungar tvívængjur fyrir Þjórsá

Klettþungu tvívængjurnar eru fáanlegar í ýmsum litum. Sífellt fleiri kasta flugu í Þjórsá. Þá eru þessar góður kostur. Ljósmynd/Veiðihornið

Stóri dagurinn er á morgun. Þá opnar formlega fyrsta laxveiðiáin og er það Þjórsá. Urriðafoss er þekktasti veiðistaðurinn og gaf það svæði ótrúlega veiði í fyrra. Margir veiða eingöngu á maðk í Þjórsá en sífellt fleiri kasta þar flugu og með góðum árangri. Við tökum nú á nýjan leik upp dagskrárliðinn Fluga vikunnar, sem var mjög vinsæll í fyrra. Að venju er það Ólafur Vigfússon í Veiðihorninu sem miðlar af áratuga reynslu sinni.

„Þó það stefni í vatnsleysi í mörgum ám í sumar eins og staðan er í dag að minnsta kosti, þá vil ég benda mönnum á klettþungar tvívængjur, hnýttar á tungsten rör og með tungsten haus. Þetta val er í tilefni þess að laxveiðisumarið hefst með opnun Urriðafoss í fyrramálið en þar eru flugur sem þessar nauðsynlegar,“ sagði Óli í samtali við Sporðaköst.

Fleiri möguleikar fyrir Tvívængjurnar eru að sjálfsögðu, Ölfusá og Hvítá og Skjálfandafljót svo einhverjar ár séu nefndar.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.