Veiði | mbl | 5.6.2019 | 10:42 | Uppfært 11:51

Fimm komnir á land í Þverá

Halldór Hafsteinsson með stórlax í morgun úr Þverá í ármótunum við Hvítá. Sigurjón Sigurjónsson

Þverá í Borgarfirði opnaði klukkan 8:00 í morgun. Elstu menn í sveitinni hafa aldrei séð hana jafn vatnslitla í upphafi vertíðar og þar er því sama ástandið og hjá systur hennar í næsta nágrenni í Norðurádalnum sem opnaði í gær.

Samkvæmt fyrstu upplýsingum þaðan er mikil veiði í Brennunni við ármót Hvítár. Klukkan 10:00 var búið að landa þar fimm stórlöxum. Að sögn Ingólfs Ásgeirssonar, eins af leigutökum árinnar, er ljóst að Brennan er „on fire“ en hún er einmitt mjög sterk þegar lítið vatn er í Þveránni því þá hægir á laxinum að ganga ofar upp í Þverá.

Ingólfur kvaðst ekki hafa heyrt af aflabrögðum ofar upp í Þverá en viðbúið að eitthvað væri einnig komið á land þaðan. Nánari upplýsingar um það kæmu um hádegisbil.

Ingólfur Ásgeirsson með annan lax úr Þverá fyrr í morgun. Sigurjón Sigurjónsson

Davíð Másson með lax við Brennuna nú fyrr í morgun. Sigurjón Sigurjónsson

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.