Veiði | mbl | 6.6.2019 | 11:16

Haugur „hitch“ fluga vikunnar

Haugurinn er sterk alhliða fluga. Hún er fluga vikunnar að þessu sinni í tilefni af því að fyrsti laxinn í Norðurá, valdi hana þessa. Ljósmynd/Veiðihornið

Fyrsta fluga vikunnar á þessari vertíð er Haugur „hitch.“ Að venju er það Ólafur Vigfússon í Veiðihorninu sem velur fluguna.

„Já það er Haugur "hitch" í tilefni þess að fyrsti lax sumarsins í Norðurá valdi hana þessa. Þegar veitt er með gárutúpu er best að nota tiltölulega stífan taum, ekki of langan. Halda stönginni 45° upp og láta fluguna mynda þetta fínlega Vaff á yfirborðinu. Varast að túpan fari svo hratt að það myndist loftbólur. Ef straumur er hraður þarf ekki að gera neitt nema halda stönginni uppi en ef veitt er í hægara vatni þarf að draga línuna til að halda túpunni uppi. Velja skal létta en sterka króka með „hitch“ túpum. Í þessum túpum eru einhverjir þeir beittustu og sterkustu á markaðnum, japönsku Ken Sawada krókarnir,“ sagði Ólafur í samtali við Sporðaköst.

Haugurinn er einnig til í öðrum útgáfum, svo sem á tvíkrók, einkrækja og sem túpa.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.