Veiði | mbl | 13.6.2019 | 10:38 | Uppfært 11:31

Smá líf í Borgarfirði

Ngulunhdhul Charlie Pearson, 14 ára af frumbyggja ættum í Ástralíu, með 88 cm hæng sem veiddist í Brennu á dögunum. Noel Pearson

Veiðin er enn erfið í Borgarfirði og ekki að sjá úrkomu í veðurkortunum fyrir næstu viku.

Hópur erlendra veiðimann sem opnuðu Kjarrá í Borgarfirði lönduðu aðeins einum laxi í fjögra daga veiði. Eitthvað er þó að laxi í ánni sem gengið hefur upp áður vatnsstaðan fór alveg niður í grjót. Veiddu erlendu veiðimennirnir hins vegar ágætlega í silungsveiði sem skipulögð var í kjölfarið og fóru auk þess í Brennu, í ármótunum við Hvítá í Borgarfirði, og lönduðu nokkrum löxum þar.

Íslenskir veiðimenn mættu í Kjarrá í gær og lönduðu þar strax tveimur löxum á fyrstu vakt. Sá fyrri komu úr Réttarhyl og hinn seinni úr Efri Smalastreng sem er ofarlega í ánni. Samkvæmt síðustu fréttum frá Þverá hefur þó aðeins einn lax veiðst í ánni sjálfri.

Sömu sögu er að segja frá Norðurá þar sem veiðst hafa sjö laxar sem allir komu fyrsta morguninn þann 4. júní.

Gísli Ásgeirsson með lax sem hann veiddi við afar erfið skilyrði í Réttarhyl í Kjarrá síðdegis í gær. Denni

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.