Veiði | mbl | 25.6.2019 | 15:06

Fyrsta tröllið á land í Nesi

Atli með hrygnuna skömmu áður hann sleppir henni við Grástraum í morgun. Ljósmynd/Aðsend

Samkvæmt fréttum frá Nesi í Aðaldal kom fyrsti stórlaxinn á land þar í morgun.

Það var Atli Bjarnason sem veiddi 108 cm hrygnu í Efri Grástraum á 1/4 tommu grænan Frigga sem landað var eftir 45 mínútna baráttu. Hrygnan stóra var vigtuð í háfnum og reyndist vera 12,3 kíló eða um 27 ensk pund (lbs.).

Atli var með leiðsögumann við höndina og var það Hilmar Þór Árnason 15 ára sem var einmitt á sinni fyrstu vakt sem slíkur. Atli er þó enginn nýgræðingur þrátt fyrir ungan aldur endar býr hann að Nesi í Aðaldal og alinn upp á bökkunum árinnar af föður sínum, Árna Pétur Hilmarssyni sem er rekstraraðili Nes svæðisins.

Í samtali við Morgunblaðið síðastliðið sumar sagði Hilmar Þór: „Ég stefni mjög ákveðið að því að verða leiðsögumaður og fæ mjög oft að vera með pabba þegar hann er í leiðsögn. Það er alveg á hreinu að ég ætla að verða leiðsögumaður hér við Laxá.“

Ferilinn byrjar því einkar glæsilega hjá þessum unga leiðsögumanni.

Atli og Hilmar með hrygnuna stóru við Grástraum í morgun. Ljósmynd/Aðsend

Atli glímir við laxinn. Ljósmynd/Aðsend

Hrygnan mæld að lokinni löndun. Ljósmynd/Aðsend

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.