Veiði | mbl | 2.7.2019 | 2:08 | Uppfært 4:29

Presturinn fékk fyrsta laxinn

Gunnlaugur við Sveinshyl með fyrsta laxinn úr Breiðdalsá í sumar. Strengir

Veiðiþjónustan Strengir hefur nú opnað laxveiðisvæði sín. Breiðdalsá á Breiðdal opnaði í gær og urðu veiðimenn varir við laxa á nokkrum stöðum.

Það var Gunnlaugur Stefánsson, prestur í Heydalaprestakalli í Austfjarðaprófastsdæmi, sem náði þeim fyrsta á land og var það 80 cm hrygna sem tók hálfs tommu Rauða Francis í Sveinshyl. Erlendir veiðimenn sem einnig dvelja í ánni þessa dagana urðu eitthvað varir við fleiri laxa þótt ekki hafi fleiri náðst á land.

Fram kemur að í Hrútafjarðará, sem Strengir hafa einnig í sinni umsjá, hafi verið erfið skilyrði frá því hún opnaði vegna lágrar vatnsstöðu. Þrátt fyrir það hafa kroppast upp nokkrir laxar síðustu daga.

Þá opnaði Jöklusvæðið síðastliðinn fimmtudag og þar kom lax strax á land úr hliðaránni Laxá. Urðu menn varir við göngu laxa í Steinboganum og Hólaflúð sem veit á gott fyrir veiði næstu daga.

Karl Ásgeirsson með lax úr Hrútafjarðará. Strengir

Þjóðverjinn Christian með fyrsta laxinn af Jöklusvæðinu sem tók hitch-flugu í Laxá. Þessi Christian fékk maríulaxinn sinn af Jöklusvæðinu fyrir nokkrum árum. Strengir

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.