Færeyska skipinu Stapin var fylgt til Vopnafjarðar og skipstjóri þess yfirheyrður, eftir að eftirlitsdróni Landhelgisgæslunnar stóð skipverja að verki við meint ólöglegt brottkast.
Dróninn náði atvikinu á myndband á sunnudaginn en Landhelgisgæslunni varð fyrst kunnugt um athæfið á mánudag. Stapin kom til hafnar á Vopnafirði þar sem lögreglan á Austurlandi tók við skipinu og tók skýrslu af skipstjóra en að því búnu tekur hefðbundið rannsóknarferli við.
„Myndirnar náðust á sunnudaginn en það var á mánudeginum sem við vorum að skoða upptökurnar og áttuðum okkur á þessu,“ sagði Ásgrímur Ásgrímsson, framkvæmdastjóri Landhelgisgæslunnar.
Þetta var í fimmta sinn sem ólöglegt meint brottkast næst á myndband eftirlitsdrónans í sumar, að sögn Ásgríms: „Þetta er fimmta skipið sem dróninn nær myndum af, við meint ólöglegt brottkast, í sumar. Hin fjögur skiptin hafa það verið íslenskir bátar, sagði hann. Ásgrímur segir að dróninn hafi verið víða á flugi við eftirlitsstörf:
„Hann hefur flogið frá Egilsstöðum, Austurlandi, hálfu Norðurlandi og hálfu Suðurlandi í eftirlit í sumar.“
Lengd á laxi | Veiðisvæði | Veiðimaður | Dagsetning Dags. |
---|---|---|---|
102 cm | Víðidalsá | Ragnheiður Þengilsdóttir | 14. júlí 14.7. |
106 cm | Laxá í Aðaldal | Kristrún Ólöf Sigurðardóttir | 8. júlí 8.7. |
100 cm | Blanda | Patrick Devennie | 20. júní 20.6. |
100 cm | Kjarrá | Sigurður Smári Gylfason | 19. júní 19.6. |
Veiðiárið 2023: | |||
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |