Veiði | mbl | 4.5.2020 | 14:27

Sumarveiði í Tungufljóti

Kristján Páll Rafnsson með fallegan staðbundinn urriða sem var veiddur ofan Bjarnafoss. Ljósmynd/Fish Partner

Tungufljót verður nú opið fyrir silungsveiði í sumar. Þetta tilkynnti leigutakinn Fish Partner á facebook í morgun. Staðbundin bleikja er í Tungufljóti og svo má finna urriða fyrir ofan Bjarnafoss. Segir í tilkynningu leigutaka að töluvert magn urriða sé ofan fossinn. En víst er að þetta er lítið kannað veiðisvæði.

Flestir veiðimenn tengja Tungufljót einungis við sjóbirting en nú er verið að horfa á staðbundinn silung. Óhætt er að fullyrða að svæðið ofan Bjarnafoss er stórskorið og ægifagurt. Hægt er að komast á slóða að ánni á tveimur stöðum við gljúfrin fyrir ofan Bjarnafoss, sem er efsti veiðistaðurinn þegar sjóbirtingstímabilið hefst. Á efsta hluta urriðasvæðisins er hægt að keyra með ánni á góðum kafla.

Þarna er víða fagurt og á kafla rennur Tungurljót í miklu gljúfri. Ljósmynd/Fish Partner

Seldir eru tveir dagar saman og eru fjórar stangir í boði.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.