Veiði | mbl | 27.5.2020 | 13:34

Fyrstu laxarnir sjást fyrir norðan

Laxi landað á svæði eitt í Blöndu. Nú er skylt að sleppa öllum laxi sjötíu sentimetrar og stærri. Hirða má einn smálax á vakt á stöng. Blanda verður bara veidd með flugu í sumar. Einar Falur Ingólfsson

Fyrstu laxarnir sáust í Blöndu í morgun. Þar var á ferðinni sjálft lögregluyfirvaldið Höskuldur B. Erlingsson sem einnig er reyndur veiðimaður og leiðsögumaður. Höskuldur lagði leið sína á neðsta svæðið í könnunarleiðangri. Hann sá tvo laxa og var annar í Damminum og hinn nokkru neðar.

Nú er stutt í opnun í Blöndu, en fyrsti veiðidagurinn er fimmti júní. Erik Koberling sem er einn umsjónarmanna Blöndu sagði í samtali við Sporðaköst að undirbúningur væri nú á fullu og viðamiklar framkvæmdir standi yfir í veiðihúsinu sem tekur gagngerum breytingum. Nú er eingöngu veitt á flugu í Blöndu og uppálagt að sleppa fiski.

Árni Baldursson hætti með Blöndu í fyrra og Starir tóku ána á leigu í framhaldi og þessi breyting var gerð samhliða því. Nú má taka einn lax á hverri vakt undir sjötíu sentimetrum.

Í ljósi þess að nú verður innleitt veiða og sleppa-fyrirkomulag í Blöndu eru margir spenntir að sjá hvað gerist í Svartá, en hún er bergvatnsá sem rennur í Blöndu efst í Langadal. Þar hefur veiði dalað mjög síðustu ár og binda menn vonir við að meira af fiski nái nú á heimaslóðir í Svartá.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.