Veiði | mbl | 28.5.2020 | 15:00 | Uppfært 29.5.2020 7:07

Af skrímslum og veiðimönnum

Arnar Rósenkranz Hilmarsson trommuleikari með þennan líka urriða sem hann veiddi í morgun í Ytri-Rangá. Ljósmynd/Aðsend

Arnar Rósenkranz, trommuleikari hljómsveitarinnar Of Monsters and Men, er ekki bara laginn með kjuðana. Hann er hörkuveiðimaður og sýndi það svo sannarlega í morgun. Hann var við veiðar í Ytri-Rangá og setti í og landaði þessum boltafiski.

Þetta er staðbundinn urriði og mældist 75 sentimetrar og eins og myndin ber með sér er hann í virkilega góðum holdum. Hann tók þyngda útgáfu af Black Ghost með gúmmífálmurum.

Jóhannes Hinriksson, staðarhaldari í Ytri-Rangá, sagði að Arnar hefði fengið fiskinn uppi í þorpi, við gamla brúnarhylinn. Aðspurður sagði hann að vorvertíðin hefði verið virkilega góð í Ytri-Rangá. „Það er enn sjóbirtingur á svæðinu og fékk ég síðast í gærmorgun einn í Djúpós. En það er líka búið að vera mikið ævintýri þegar menn hafa verið að setja í þessa stóru staðbundnu urriða, eins og Arnar fékk í morgun. Þarna eru innan um hrein skrímsli, þeir eru svo stórir og eftir því sterkir,“ sagði Jóhannes í samtali við Sporðaköst.

Nú er vorvertíðinni að ljúka hjá Jóhannesi og er síðasti veiðidagur á sunnudag, eða 31. maí.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.