Veiði | mbl | 13.6.2020 | 22:30

Spennandi opnanir framundan

Rafn Valur Alfreðsson leigutaki í Miðfirði með fallegan tveggja ára lax sem veiddur var í neðri Austurá í opnuninni í fyrra. Ljósmynd/Aðsend

Á næstu dögum opnar margar af laxveiðiám á Vesturlandi og Norðurlandi. Miðfjarðará opnar á mánudag og hafa þar sést laxar víða. Samkvæmt venju er mest af fiski að sjá í Kistunum í Vesturá og í Hlíðarfossi. Sést hafa fiskar í Túnhyl og jafnvel svo ofarlega sem Húkskvörn. Í Austuránni heftur lax sést í Hlaupum og lofar þetta góðu um opnunina.

Lax er mættur í Hítará sem opnar á þriðjudag, þann 16. júní. Laxá á Ásum fylgir í kjölfarið degi síðar og svo taka við opnanir í Víðidalsá og Vatnsdalsá. Undir lok næstu viku má í raun segja að laxveiðisumarið sé formlega hafið og þegar komið verður undir mánaðarmót er búið að opna flestar ár á landinu.

Viðbúið er að veiði framan af júní verði róleg eða allavega þar til smálaxinn fer að ganga í einhverju magni. Viðbúið er að stórlaxinn, sem er sami árgangur og smálaxinn frá í fyrra, verði af skornum skammti.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.