Veiði | mbl | 16.6.2020 | 16:04 | Uppfært 17:40

Fyrsti laxinn úr Hítará

Davíð Örn Vignisson með fyrsta laxinn úr Hítará sumarið 2020, 60 sentimetra smálax sem veiddist í Steinastreng. Ljósmynd/Aðsend

Fyrsti laxinn veiddist í Hítará í morgun. Áin opnaði formlega í morgun og er nokkuð síðan fyrstu laxarnir sáust í Hítará. Skilyrði til veiða í dag eru mjög krefjandi. Áin vatnsmikil og nokkur litur í henni.

Fyrsta laxinn veiddi Davíð Örn Vignisson í Steinastreng. Hann landaði smálaxi sem mældist sextíu sentimetrar. Nokkuð er síðan fyrstu laxarnir sáust í Hítaránni.

Forvitnilegt verður að fylgjast með ánni í sumar en þar varð mikið skriðufall, eins og flestir muna sem breytti árfarveginum mjög mikið. Skriðan féll að morgni 7. júlí 2018 og stíflaði árfarveginn svo áin fann sér nýjan farveg og sameinaðist Grjótá og Tálma sem eru hliðarár Hítarár.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.