Veiði | mbl | 17.6.2020 | 0:16

Fyrsti dagur í Hítará gaf þrjá laxa

Magnús Árnason með 75 sentímetra hrygnu sem veiddist eftir hádegi. Ljósmynd/Aðsend

Opnunardagurinn í Hítará gefur góð fyrirheit. Fyrir hádegi kom einn lax á land enda áin bólgin og lituð. Síðdegis gekk áin niður og byrjaði að hreinsa sig. Tveir laxar veiddust eftir hádegi og var sá stærsti glæsileg 80 sentímetra hrygna.

Orri Dór með 80 sentímetra hrygnu sem hann veiddi eftir hádegi. Orri Dór er umsjónarmaður Hítarár. Ljósmynd/Aðsend

Þetta verður að teljast góð opnun fyrir Hítará sem hefur verið mjög stórt spurningamerki eftir stóru skriðuna 2018.

Orri Dór sem er umsjónarmaður Hítarár var mjög sáttur við þennan opnunardag og sáust laxar á nokkrum veiðistöðum. Viðbúið er að Hítará eigi nokkuð inni þar sem opnunardagurinn var erfiður sökum vatnavaxta.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.