Laxaparið undirbýr hrygningu

Mjög svo ólík myndefni hafa ratað til okkar í veiðimyndasamkeppni Veiðihornsins, Árvakurs og Sporðakasta. Benedikt Geir Jóhannesson sendi inn skemmtilega mynd sem hann tók í Reykjadalsá í Borgarafirði í síðasta mánuði. Þar má sjá laxapar sem hefur komið sér þægilega fyrir og er engu líkara en þau séu búin að velja sér hrygningarmölina fyrir haustið.

Hér birtum við svo aðra mynd af allt öðrum toga. Myndasmiður er Júlíus Elliðason og er þessi tekin í Fögruhlíðarós fyrir austan, rétt eftir löndun á fallegri bleikju. Myndin er tekin með tímastillingu.

Veitt í Fögruhlíðarósi í byrjun júlí. Ljósmynd/Júlíus Elliðason

Í sum­ar veit­um við verðlaun fyr­ir fjóra flokka mynda. Þeir eru eft­ir­far­andi. Ung­ir veiðimenn, Veiðikon­ur, Stór­ir fisk­ar og loks Veiðimynd árs­ins.

Veg­leg verðlaun verða veitt í hverj­um flokki:

Ung­ir veiðimenn -  Red­ingt­on krakka flugu­veiðipakki. ​Veiðikon­ur – Simms G3 Gui­de dömu Gore-tex veiðijakki. ​Stór­ir fisk­ar – Mc­le­an háf­ur með inn­byggðri vigt. Veiðimynd árs­ins – Sage Igniter ein­henda

All­ar mynd­ir sem send­ar eru inn til þátt­töku er gjald­geng­ar og mun dóm­nefnd skipuð reynslu­bolt­um, bæði í veiði og ljós­mynd­un fara yfir og meta hvern flokk fyr­ir sig.

Þær mynd­ir sem send­ar eru inn er heim­illt að birta í ár­legu riti Veiðihorns­ins, Veiði 2021 og/​​eða öðrum aug­lýs­ing­um Veiðihorns­ins  Með því að senda inn mynd samþykk­ir ljós­mynd­ari slíka notk­un á mynd­inni.

Senda skal mynd­irn­ar í góðri upp­lausn á net­fangið eggert­skula@mbl.is Greina skal frá hvar mynd­in er tek­in og hvað var að ger­ast. Þá er nauðsyn­legt að fá nöfn þeirra sem eru á mynd­inni og ekki síst hver tók hana, því það er sá sem hlýt­ur verðlaun­in ef vel tekst til.

• Blogga um frétt

Seinustu hundraðkallar sumarsins