Ágætt líf í Leirársveit

Ágætt líf er nú í Laxá í Leirársveit. Veiðimenn sem voru þar í gær nutu lífsins og sögðu mikið af fiski í ánni. Einn af þeim sem var við veiðar í Leirársveit í gær er Jón Kristinn Jónsson og Sproðaköst náðu tali af honum. „Það er bara mikið af fiski í ánni og við höfum orðið varir við fiska víðast hvar. Erum búnir að landa fjórum á vaktinni og missa þrjá,“ sagði Jón Kristinn í samtali við Sporðaköst.

Laxá í Leirársveit er að gera betri hluti en síðustu ár. Ljósmynd/Aðsend

Deginum áður hafði vaktin skilað þremur löxum og menn voru mjög sáttir við stöðuna í ánni, sem hefur átt undir högg að sækja. „Þetta kom okkur skemmtilega á óvart. Við áttum ekki von á miklu en það var fiskur um allt, “ saðgi Jón Kristinn í samtali við Sporðaköst.

Laxá í Leirársveit er komin í 330 laxa og er að verða komin í heildartöluna í fyrra. Það er útlit fyrir að þetta geti orðið hennar besta ár í nokkurn tíma.

Laxá skilaði ríflega 60 löxum síðustu viku á sex stangir. það er betra en í mörgum ám. Samtals er hún komin í 330 laxa síðasta miðvikudag, samkvæmt angling.is sem er vefur Landssambands Veiðifélaga þar sem vikuilegar veiðitölur birtast á fimmtudögum.

• Blogga um frétt

Seinustu hundraðkallar sumarsins