Veiði | mbl | 21.8.2020 | 7:55

Mögnuð maðkaopnun í Eystri

Glæsilegur vorlax úr Eystri-Rangá. Veiðin í gær var með ólíkindum. Ljósmynd/Aðsend

Maðkaopnun hófst í Eystri Rangá í gær. Dagurinn skilaði veiði upp á 260 laxa. Þar af komu 201 á land seinnipartinn. Þetta eru í raun ótrúlegar tölur og má til að setja þetta í samhengi geta þess að heildarveiði í Vatnsdalsá í sumar er 251 lax.

Það stefnir í met ár hjá Eystri Rangá og að áin fari í sjö til átta þúsund laxa, jafnvel meira.

Síðustu tölur vikutölur úr Eystri Rangá hljóðuðu upp á 5321. Mesta veiði í Eystri Rangá er tæplega 7500 laxar árið 2007. Afar líklegt er að það met falli í sumar.

Affallið og Þverá í Fljótshlíð eru líka fullar af laxi eftir vel heppnaðar seiðasleppingar í fyrra. Rólegri gangur er í Ytri Rangá.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.