Veiði | mbl | 22.8.2020 | 15:01 | Uppfært 15:33

Butlerinn í stórlaxastuði

Jóhann Gunnar Arnarson með hænginn stóra úr Sniðahyl í Hofsá. Með honum er Hörður Vilberg. Ljósmynd/Aðsend

Butlerinn, eða Jóhann Gunnar Arnarsson hefur heldur betur verið í stórlaxastuði í Vopnafirðinum í sumar. Fyrir nokkru veiddi hann stærsta lax sumarsins í Selá sem mældist 101 sentimetri. Hann er nú staddur í Hofsá og fékk í gær 99 sentimetra lax í Sniðahyl neðri, á Svartan Frances-kón. Á morgunvaktinni landaði hann svo 97 sentimetra hæng úr Klapparhyl. Sá tók Rauðan Frances hexacon.

Þennan fékk hann svo í morgun í Klapparhyl og mældist hann 97 sentimetrar. Ljósmynd/Aðsend

Stefán Þórarinsson landaði einnig 97 sentimetra hæng úr Klapparhyl í gærkvöldi, sá tók Collie Dog númer 14.

Butlerinn sér um rekstur veiðihúsanna í Vopnafirði, bæði Selá og Hofsá. Hann er nú búinn að jafna stærsta laxinn í Hofsá og hefur veitt þann stærsta í Selá.

Jóhann er meistaramatreiðslumaður og hefur rekið veiðihúsin af stakri snilld. Nú er spurning hvort hann leggur pönnuna á hilluna og einbeitir sér eingöngu að laxveiðinni.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.