Fleiri skemmtilegar veiðimyndir

Veiðimenn hafa verið duglegir að senda inn myndir frá sumrinu í veiðimyndasamkeppni Veiðihornsins, Árvakurs og Sporðakasta. Hér birtum við nokkrar skemmtilegar sem hafa borist. 

Fyrsta myndin er tekin við Hagafoss í Geirlandsá. „Veðrið lék við okkur þennan daginn, 20 gráður, sól og logn. Gangan þarna uppeftir er krefjandi en þó hverrar mínútu virði,“ skrifaði myndasmiðurinn Styrmir Gauti Fjeldsted í pósti til Sporðakasta.

Veiðimaðurinn Brynjar Freyr Garðarsson rennir þarna flugu fyrir fiskinn sem vildi þó ekki taka þennan daginn.

Gilin í Efri Haukadalsá eru tilkomumikil. Veiðimaðurinn er Aron Brandsson. Ljósmynd/Eysteinn Hjálmarsson

Hér er svo mynd sem tekin var í Efri-Haukadalsá, Eysteinn Hjálmarsson tók hana. Á myndinni má sjá bjartsýnan veiðimann renna fyrir lax í giljum Efri-Hauku, veiðimaðurinn heitir Aron Brandsson. Einnig fylgir mynd sem sannar að lax sé kominn upp í Efri-Haukadal í byrjun júlí. 

Þessi lax var mættur í Efri Hauku í byrjun júlí. Ljósmynd/Eysteinn Hjálmarsson

Í sum­ar veit­um við verðlaun fyr­ir fjóra flokka mynda. Þeir eru eft­ir­far­andi. Ung­ir veiðimenn, Veiðikon­ur, Stór­ir fisk­ar og loks Veiðimynd árs­ins.

Veg­leg verðlaun verða veitt í hverj­um flokki:

Ung­ir veiðimenn –  Red­ingt­on-krakkaflugu­veiðipakki. ​

Veiðikon­ur – Simms G3 Gui­de Gore-tex-dömuveiðijakki. ​

Stór­ir fisk­ar – Mc­le­an-háf­ur með inn­byggðri vigt.

Veiðimynd árs­ins – Sage Igniter-ein­henda.

All­ar mynd­ir sem send­ar eru til þátt­töku er gjald­geng­ar og mun dóm­nefnd skipuð reynslu­boltum, bæði í veiði og ljós­mynd­un, fara yfir og meta hvern flokk fyr­ir sig.

Þær mynd­ir sem send­ar eru inn er heim­ilt að birta í ár­legu riti Veiðihorns­ins, Veiði 2021, og/​​​eða öðrum aug­lýs­ing­um Veiðihorns­ins  Með því að senda mynd samþykk­ir ljós­mynd­ari slíka notk­un á henni.

Senda skal mynd­irn­ar í góðri upp­lausn á net­fangið eggert­skula@mbl.is. Greina skal frá hvar mynd­in er tek­in og hvað var að ger­ast. Þá er nauðsyn­legt að fá nöfn þeirra sem eru á mynd­inni og ekki síst hver tók hana, því það er sá sem hlýt­ur verðlaun­in ef vel tekst til.

• Blogga um frétt

Seinustu hundraðkallar sumarsins