Orðið sem veiðimenn nota oftast

Það er eitt orð sem veiðimenn, hvort sem er í silungi eða laxveiði, nota oftast. Þetta er stutt orð en virkar við flestar aðstæður og oft hluti af ágætis afsökun ef aflabrögð standa ekki undir væntingum. Ef þú ert ekki búinn að kveikja, smelltu þá á meira og sjáðu hvaða orð við erum að tala um.

Þetta er orðið of. Það er of mikil rigning. Það er of lítil rigning, sem sagt sól. Of lítið af fiski. of þungar flugur. Of mikið af flugu – mývargi.

Þetta er bara hluti af því sem heyra má. En það er hægt að bæta við. Of mikið vatn. Of lítið vatn. Allt of lítið vatn.

Auðvitað er þetta orð sem undirstrikar aðstæður. Hægt væri að sleppa því í flestum tilvikum, segja einfaldlega: lítið vatn, mikil rigning og svo framvegis. En orðið of dregur fram erfiða stöðu: of heitt, of kalt, of seint, of snemma. Vona að þetta sé ekki of mikið af því góða. En næst þegar þú notar orðið of í sambandi við veiði muntu muna þessa grein.

• Blogga um frétt

Seinustu hundraðkallar sumarsins