Veiði | mbl | 29.8.2020 | 8:38 | Uppfært 8:56

Spennandi fluga úr smiðju Palla

Hér má sjá Leif sem er hönnun Palla í Veiðihúsinu. Flottar flugur og gætu gefið í haust. Neðar er Brá sem er einnig fluga úr smiðju Palla og hefur svo sannarlega sannað sig. Ljósmynd/Veiðihornið

Einn af okkar lunknu hnýturum og hönnuðum er Einar Páll Garðarsson, eða Palli í Veiðihúsinu eins og hann er svo oft kallaður. Hann hefur nú hannað nýja flugu og var hún frumsýnd í fyrra. Hún hefur sannað gildi sitt og gott betur. Við leituðum til flugusérfræðings Sporðakasta, Ólafs Vigfússonar í Veiðihorninu, og báðum um mynd og umsögn.

„Já, það er komin ný fluga frá Einari Páli, Palla í Veiðihúsinu, en hann hefur heldur betur gert margar frábærar flugur á borð við Blue Boy, Sjáandann, Möggu, Tvíburann og fleiri, svo ekki sé minnst á Brá, sem er einnig á þessari mynd.

Nýja flugan heitir Leifur og hún var frumsýnd í fyrrasumar. Þessi fluga er ólík öðrum flugum í litavali og hefur sýnt sig síðustu vikur að vera frábær síðsumars- og haustfluga. Þessi hvíta á myndinni er Brá. Hnýtt á agnarsmáar þríkrækjur, í stærðum fjórtán til átján. Þegar himinninn er blár og sólin skín er Brá fyrsta flugan sem á að setja undir,“ sagði Óli í samtali við Sporðaköst þegar hann var spurður um nýjustu hönnun Palla í Veiðihúsinu.

Leifur er græn í grunninn en miðað við lýsingarnar er hún spennandi kostur þar sem búið er að sýna laxinum allt sem fluguboxið hefur upp á að bjóða.

Veiðihornið er samstarfsaðili Sporðakasta

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.