Tveir laxar í einu kasti – myndband

Það gerist ekki oft að veiðimenn landi tveimur löxum í einu og sama kastinu. Það gerðist þó í gær í Ytri-Rangá á veiðistaðnum Heiðarbrún. Rúnar Marinó Ragnarsson gat ekki ákveðið hvort hann ætti að kasta spún eða flugu, þannig að hann setti undir á endanum svartan Toby og var með flugu sem dropper.

Myndatökumaðurinn var líka að brasa við að sporðtaka þannig að á köflum er myndbandið töluvert hreyft. En þeir voru býsna kátir með þetta kallarnir, eins og heyra má.

• Blogga um frétt

Seinustu hundraðkallar sumarsins