Hreggnasi áfram með Svalbarðsá

Nýverið var undirritaður langtíma samningur á milli Veiðifélagsins Hreggnasa annars vegar og Veiðifélags Svalbarðsár hins vegar, um áframhaldandi leigu á Svalbarðsá. 

Í fréttatilkynningu sem Hreggnasi sendi frá sér um málið í dag segir, „Hreggnasi ehf hefur komið að leigu Svalbarðsár allt frá árinu 2007. Þá reis nýtt veiðihús við ána. Frá árinu 2009 hefur Svalbarðsá verið veidd undir „veiða og sleppa“ fyrirkomulaginu en við það hafa veiðitölur og seiðavísitala vaxið mjög til hins betra."

Efst við Svalbarðsá við Stórafoss. www.hreggnasi.is

Svalbarðsá  er án efa meðal bestu laxveiðiáa landsins. Meðalveiði undanfarinna sumra er um 400 laxar, en þar af hefur hlutfall stórlaxa í aflanum verið yfir 60%. Þá hefur meðalveiði á hverja dagsstöng verið með því allra besta sem gerist á landinu.“

Lokatölur í Svalbarðsá í fyrra voru 469 laxar og var áin þann 2. september komin í 322 laxa. Stefnir í meðalár þar eystra.

• Blogga um frétt

Seinustu hundraðkallar sumarsins