Andakílsá er orðin stútfull af laxi, þremur árum eftir umhverfisslysið. Seiðasleppingar hafa gengið vel og náttúrulegt klak er einnig til staðar. Sporðaköstum var boðið í heimsókn í Andakílinn í síðustu viku og hittum við þar fyrir Sigurð Má Einarsson fiskifræðing sem fylgst hefur með endurheimt árinnar. Einnig leit til okkar formaður veiðifélagsins Ragnhildur Helga Jónsdóttir og Jón Þór Ólason, formaður SVFR sýndi okkur hvernig á að veiða Andakílsána.
Það er einkar hughreystandi að sjá hversu vel áin hefur tekið við sér og enn og aftur má sjá hvernig náttúran lifir af og kemst í gegnum ýmsilegt sem virðist ómögulegt.
Lokatala fyrir þessa einu tilraunastöng er 661 lax. Svo mikil hefur veiðin verið að ef þessi eina stöng er margfölduð með fjölda stanga í Eystri Rangá þá kæmi út talan 11.900 laxar. Eystri Rangá er í dag með heildarveiði upp á um átta þúsund laxa. Og hafa ber í huga að aðeins hefur verið veitt á stöngina í Andakíl í 57 daga.
Steingrímur Jón Þórðarson annaðist kvikmyndatöku og klippingu á myndbandinu.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Laxá í Aðaldal | Richard Jewell | 9. ágúst 9.8. |
101 cm | Víðidalsá | N/A | 30. júlí 30.7. |
100 cm | Mýrarkvísl | Tim Racie | 23. júlí 23.7. |
102 cm | Víðidalsá | Ragnheiður Þengilsdóttir | 14. júlí 14.7. |
106 cm | Laxá í Aðaldal | Kristrún Ólöf Sigurðardóttir | 8. júlí 8.7. |
100 cm | Blanda | Patrick Devennie | 20. júní 20.6. |
100 cm | Kjarrá | Sigurður Smári Gylfason | 19. júní 19.6. |