Veiði | mbl | 10.10.2020 | 16:29 | Uppfært 16:53

Magnaðar myndir af urriðum í Öxará

Ótrúlegur fjöldi urriða er þessa dagana í Öxará og undirbýr hrygningu. Cezary notaði kröftugan filter í þessari mynd til að skýra enn frekar myndefnið. Ljósmynd/CF

Fjöldi fólks lagði leið sína á Þingvelli í dag til að fylgjast með urriðadansinum í Öxará þar sem urriðinn er að hrygna um þessar mundir. Einn þeirra sem mættu á staðinn er góðkunningi Sporðakasta Cezary Fijalkowski.

Á svona degi, þegar er logn og sól er eins og að horfa í gegnum gler á þessa tignarlegu fiska. Ljósmynd/CF

Cezary er magnaður veiðimaður og hefur gert frábæra veiði á stórurriða í Þingvallavatni í mörg ár. Hann veiðir fyrst og fremst í þjóðgarðinum og hefur landað tugum urriða sem eru níutíu sentímetrar og stærri. Stærsti fiskur sem hann hefur fengið mældist 103 sentímetrar og var það árið 2016.

Par sem er tilbúið til að tryggja nýja kynslóð. Ljósmynd/CF

Sjálfsagt hefur farið um marga af þessum urriðum þegar þeir sáu Cezary munda símann. En án efa hefur hann veitt einhverja þeirra og sleppt þeim.

Einhverjir af þessum urriðum hafa áður kynnst Cezary. Ljósmynd/CF

Aðstæður til að fylgjast með urriðanum voru eins og best verður á kosið í dag. Logn og sól. þá er skyggnið frábært eins og sjá má á myndunum sem Cezary sendi Sporðaköstum.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.