Veiði | mbl | 31.3.2021 | 14:40 | Uppfært 14:57

Gróska í veiðiþáttagerð

Óvenju mikið er veiðimyndir þetta vorið. Veiðin með Gunnari Bender á Hringbraut, Síðustu Sporðaköstin á Síminn bíó og Dagbók Urriða á Stöð 2. Ljósmynd/KUK

Það er í ýmis horn að líta fyrir veiðiáhugamenn í samkomutakmörkunum. Óvenju mikið framboð er af veiðiþáttum þetta vorið. Veiðin með Gunnari Bender er þriggja þátta sería á Hringbraut og er síðasti þátturinn í kvöld, þar sem meðal annars er farið í síðustu maðkaveiðina í Elliðaánum.

Sporðaköst voru að senda frá sér 70 mínútna heimildamynd, Síðustu sporðaköstin, þar sem veitt er með leikurunum úr kvikmyndinni Síðasta veiðiferðin. Fóru þeir í Hofsá síðastliðið sumar og alltaf var stutt í sprellið. Þá verða áhorfendur vitni að kveðjustund í Vatnsdal og stórstjörnur úr The Vikings-seríunni á Netflix reyna við maríulax. Myndin er þegar aðgengileg á Síminn bíó.

Ólafur Tómas Guðbjartssonar er með spennandi veiðiseríu sem ber heitið Dagbók Urriða, þar sem hann fer vítt og breitt um þekkta og óþekkta veiðistaði í leit að silungi. Fjallað er um lífríkið og jarðfræði og ekkert skilið eftir. Dagbók Urriða verður sýnd á Stöð 2 og hefjast sýningar fljótlega eftir páska.

Þá hefjast tökur á Allra síðustu veiðiferðinni í júní og verður þessi framhaldsmynd tekin upp í Laxá í Aðaldal. Eftir því sem Sporðaköst komast næst verða allar sögupersónur úr fyrri myndinni með í för. Tveir nýir leikarar bætast við en það eru þeir Sigurður Sigurjónsson og Gunnar Helgason.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.