Veiði | mbl | 16.5.2021 | 18:29 | Uppfært 17.5.2021 7:07

Laxinn er mættur (staðfest)

Þetta er skjáskot úr GoPro-vélinni frá þeim Hrafni og Sigþóri. Þetta er tekið í Kvíslafossi í morgun og hann er mættur. Gæðin gætu verið meiri en hann er þarna. Ljósmynd/Laxá í Kjós

Laxinn er mættur á neðsta svæði Laxár í Kjós. Þetta var staðfest í morgun, þegar þeir Hrafn Hauksson og Sigþór Steinn Ólafsson fóru með GoPro-myndavél í Kvíslafoss. Slíkar vélar geta myndað undir vatnsyfirborði og það leyndi sér ekki að sá silfraði er mættur.

Laxar höfðu sést í gær á Lækjarbreiðunni sem er aðeins neðan við Kvíslafossinn. Það hefur verið mjög algengt síðustu ár að fyrstu fréttir af löxum hafi borist úr Kjósinni og oftar en ekki sem veiði- og tónlistarmaðurinn Bubbi Morthens hefur séð þá fyrstu.

Ekki er langt síðan að Haraldur Eiríksson leigutaki í Kjósinni sagði í viðtali hér á Sporðaköstum að oft mættu þeir fyrstu í kringum 20. maí. Þeir eru þá aðeins fyrr á ferðinni og vonandi veit það á gott.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.