Veiði | mbl | 28.5.2021 | 17:09

Starir með vesturbakka Sogsins

Hér er flott bleikja sem Atli Bergman veiddi í Bíldsfelli að vori til fyrir nokkrum árum í Bildsfelli í Soginu. Svæðið er ekki síst rómað fyrir magnaða bleikjuveiði. Mynd: Heiðar Valur Bergman

Veiðifélagið Starir, sem er meðal annars með Víðidalsá, Þverá/Kjarrá og fleiri ár, hefur tekið yfir samning um veiðiréttinn í Bíldsfelli, í Soginu af Stangaveiðifélagi Reykjavíkur. Í vetur tóku Starir á leigu svæðið Alviðru í Soginu, þannig að Starir eru nú komin með á sínar hendur nánast allan vesturbakka Sogsins og hafa því sex stangir til úthlutunar í þessari forfrægu á.

Samningurinn var gerður með samþykki landlandeigenda og því ákvæði að félagsmönnum SVFR munu áfram tryggð sérkjör á veiðileyfum.

Bíldsfell er öflugt silungsveiðisvæði í apríl og maí, en undanfarin ár hefur silungsveiðin ekki verið í boði. Ingólfur Ásgeirsson, framkvæmdastjóri Stara sagði í samtali við Sporðaköst að opnað yfir á þá veiði á nýjan leik, næsta vor.

Það er ekki langt í að sá silfraði láti sjá sig í Soginu. Oft er það á þessum tíma sem fyrstu laxarnir mæta. Morgunblaðið/Einar Falur

Í tilkynningu sem SVFR sendi frá sér vegna samningsins er haft eftir Jóni Þór Ólasyni formanni að áhugi félagsmanna á Bíldsfellinu hafi dregist saman og þeir hafi því verið tilbúnir í viðræður þegar Starir leituðu eftir því að fá svæðið á leigu.

Samningurinn hefur þegar tekið gildi, þannig að veiðileyfi í Bíldsfelli eru nú á höndum Stara.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.