Veiði | mbl | 2.6.2021 | 9:45 | Uppfært 11:18

Helga Dís kafveiddi karlana

Helga Dís með flottan urriða sem hún fékk í Fiskilækjarvatni í gær. Hún gat leyft sér að vera mjög montin af þessum flotta fiski, sem tók maðk á flotholti. Ljósmynd/RMS

Þau feðgin Reynir M. Sigmundsson og Helga Dís dóttir hans fóru í Fiskilækjarvatn í Melasveit, skammt frá Akranesi, í gær. Helga Dís landaði tveimur flottum urriðum og einni bleikju. Öðrum viðstöddum gekk ekki eins vel. Pabbi hennar fékk alveg að heyra það og eins undraði hún sig á fluguveiðimanni sem var að veiða í vatninu: „Pabbi, hann kastar og kastar en fær ekki neitt, ekki eins og ég,“ sagði sú stutta og var býsna roggin.

Urriði númer tvö, á meðan að aðrir fengu ekki neitt. Allavega ekki á meðan að þau voru á staðnum. Ljósmynd/RMS

Reynir byrjaði sjálfur sinn feril í einmitt Fiskilækjarvatni og segir að það bregðist sjaldan. Það mátti alveg heyra á pabbanum að honum leiddist ekki að hlusta á athugasemdir Helgu Dísar um að hann og þessi flugukall hefðu ekki veitt neitt, en hún hefði fengið þrjá og sá stærsti var þrjú pund.

„Það var smá gorgeir í henni og ég fékk alveg að heyra að hún hefði veitt mest. Ég hafði virkilega gaman af því, enda átti hún inni fyrir því,“ sagði Reynir í samtali við Sporðaköst og hló.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.