Tóti tönn hefur engu gleymt

Tóti tönn, eða Þórarinn Sigþórsson tannlæknir og veiðimaður til mjög margra áratuga er að opna Kjarrá í Borgarfirði. Þrír laxar komu á land þar í gær, á opnunardegi og var Tóti með tvo þeirra. Hann er á níræðisaldri en veiðimaðurinn í honum er ekki nema rétt um þrítugt.

Tóti í essinu sínu. Hann er á níræðisaldri en hann ætlar sér að veiða marga daga í sumar. Hann er síst að slá af. Ljósmynd/IÁ

Tóti er á stöng með Ingólfi Ásgeirssyni leigutaka í Kjarrá.  Ingólfur sagði í samtali við Sporðaköst að 83 sentímetra lax hefði veiðst í Efra - Rauðabergi í gær og svo hefði Tóti fengið 84 sentímetra fisk í Efri - Johnson. „Já og svo sleit karlinn upp einn í Réttarhyl,“ upplýsti Ingólfur.

Það er ágæt staða á vatni í Kjarrá, en þar eins og víðar er útlit fyrir að bíða þurfi eftir smálaxinum þar til fjör fer að færast í hlutina.

Kunnugleg stelling hjá tannlækninum. Ljósmynd/IÁ

Angling.is, vefur Landssambands veiðifélaga birti í morgun fyrstu vikutölur yfir laxveiðina. Þar kemur fram að Urriðafoss í Þjórsá var kominn með 99 laxa í bók og er sá hundraðasti líkalega þegar kominn á land.

Norðurá var með 15 og Blanda þrjá miðað við skráða veiði í gærkvöldi.

• Blogga um frétt

Seinustu hundraðkallar sumarsins