Veiði | mbl | 27.6.2021 | 14:22 | Uppfært 14:44

Mögnuð opnunarvakt í Stóru-Laxá

Reynir M. Sigmundsson með einn af þrettán löxum sem veiddust í morgun á svæði fjögur í Stóru í morgun. Þessi tók í Neðri-Nálarhyl. Ljósmynd/Aðsend

Opnunarvaktin á fjórða svæðinu í Stóru-Laxá var hreint út sagt mögnuð. Samtals var þrettán löxum landað víðs vegar um svæðið. Sérstaka athygli vakti að tveir af löxunum voru lúsugir og hafa þeir því synt hratt og um langan veg. Upp Ölfusá, því næst Hvítá og loks lengst upp í Stóru-Laxá.

Þetta er mun betri opnun en í fyrra þar sem hollið þá landaði ellefu löxum á tveimur og hálfum degi.

Fiskur er dreifður og vakti líka athygli að fiskur var í bland smálax og stórlax. Stærsti lax morgunsins mældist 86 sentimetrar.

Önnur svæði í Stóru-Laxá opna fljótlega en hefðin er að fjórða svæðið opnar fyrst.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.