Veiði | mbl | 1.8.2021 | 16:31 | Uppfært 3.8.2021 14:32

Eystri-Rangá fyrst yfir þúsund laxa

Davíð með 90 sentímetra hæng úr Þverá í Fljótshlíð en þar er að lifan yfir veiðinni. Eystri-Rangá varð fyrst til að ná þúsund löxum í sumar. Ljósmynd/Kolskeggur

Eystri-Rangá varð fyrsta laxveiðiáin í sumar til að brjóta þúsund laxa múrinn. Jafnvel var búist við að Norðurá yrði fyrsta áin til að ná þessari tölu, en Eystri-Rangá er að skila sjötíu til áttatíu löxum á dag þessa dagana.

Jóhann Davíð Snorrason, framkvæmdastjóri Kolskeggs, sem rekur Eystri-Rangá og fleiri ár á Suðurlandi, birti fyrr í dag póst á síðu Kolskeggs. Þar er upplýst að áin er komin yfir þúsund laxa, enda var veiðin í gær ríflega sjötíu fiskar og vitað að hún var komin í 950 laxa.

Besti dagurinn til þessa í Eystri eru 85 laxar. Hún hefur undanfarin ár gefið mun betri veiði en þetta. Viðkvæðið í ár er hins vegar að laxinn sé seinn á ferðinni og vonandi er það rétt. Þannig er Affallið og Þverá í Fljótshlíð, sem Kolskeggur er einnig með, að hjarna við eftir lélega byrjun.

Norðurá mun að öllum líkindum ná þessu sama marki fljótlega.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.