Mikil eftirspurn eftir „gamaldags veiði“

Ástdís tekst á við maríulaxinn sinn í á Gíslastöðum og …
Ástdís tekst á við maríulaxinn sinn í á Gíslastöðum og hafði betur. Ljózmynd/KA

Gíslastaðir í Hvítá í Árnessýslu eru eftirsótt veiðisvæði og seldist upp strax í vor. Þar er stunduð „gamaldags veiði“ þar sem laxinum er ekki sleppt nema menn vilji. Þrjár stangir eru á svæðinu og fékk veiðihúsið yfirhalningu í sumar.

„Það má segja að þeir sem hafa verið að veiða hafi verið að setja í fiska alla daga, mismunandi marga þó. Fleiri veiðistaðir hafa verið að koma inn sem segir okkur að fiskurinn er farinn að stoppa frekar, eins og gerist þegar líður aðeins á tímann. Það er sérstaklega ánægjulegt hversu margir ungir veiðimenn hafa verið að setja í fallega fiska,“ sagði Einar Páll Garðarsson í samtali við Sporðaköst. Hann og Jói, vinur hans, eru með svæðið á leigu og verð er hófstillt. 

Stolt veiðistúlka með maríulaxinn sinn. Pabbi hennar var búinn að …
Stolt veiðistúlka með maríulaxinn sinn. Pabbi hennar var búinn að bjóða henni að fara upp í hús að hlýjar sér. Hún svaraði að þar myndi hún ekki veiða fisk. Ljósmynd/KA

„Já, við köllum þetta gamaldags veiði,“ segir Einar Páll og brosir. Hann hefur miklar efasemdir um veiða og sleppa fyrirkomulagið sem nú er í velflestum ám.

Eins og hann nefndi hér að ofan eru margir ungir veiðimenn sem hafa náð að krækja í maríulax, eða stærsta lax sem þeir hafa landað fram til þessa.

Veiðimenn sem eru við veiðar í dag voru búnir að landa bæði 80 og 96 sentímetra löxum og misstu nokkra. 

Veiði í dag á Gíslastöðum. 80 og 96 sentímetra laxar …
Veiði í dag á Gíslastöðum. 80 og 96 sentímetra laxar eru komnir á land og nokkrir misstir. Ljósmynd/Gíslastaðir

Kjartan Antonsson var við veiðar á Gíslastöðum um helgina og lýsir svæðinu sem „Hvílíka paradísin sem þetta er.“ Kjartan og félagar lönduðu sex löxum. Fimm tóku fluguna Zeldu en sá dýrmætasti var maríulaxinn sem Ástdís Ósk Ottósdóttir landaði á spón. Kjartan segir frá því að Ástdís hafi verið orðin blaut í fæturna og spurði pabbi hennar hana hvort hún vildi ekki fara upp í hús og hlýja sér. Hún svaraði; „Ég fæ engan fisk þar.“ Hún hafði svo sannarlega rétt fyrir sér og fékk maríulaxinn skömmu síðar, öllum til mikillar ánægju.

Einar Páll segir að eftirspurnin sé svo mikil að langur listi sé kominn fyrir næsta ár. „Þeir ganga hins vegar fyrir sem voru í ár.“

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Mýrarkvísl Tim Racie 23. júlí 23.7.
102 cm Víðidalsá Ragnheiður Þengilsdóttir 14. júlí 14.7.
106 cm Laxá í Aðaldal Kristrún Ólöf Sigurðardóttir 8. júlí 8.7.
100 cm Blanda Patrick Devennie 20. júní 20.6.
100 cm Kjarrá Sigurður Smári Gylfason 19. júní 19.6.
Veiðiárið 2023:
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.

Skoða meira

Fleira áhugavert
Fleira áhugavert