Stóru birtingarnir mættir í Tungufljót

Kristján Páll með 82 sentímetra sjóbirting sem hann veiddi í …
Kristján Páll með 82 sentímetra sjóbirting sem hann veiddi í Syðri-Hólma í Tungufljóti. Heilt yfir er birtingurinn seinn fyrir í Vestur- Skaftafellssýslu þetta árið. Ljósmynd/Fish partner

Tungufljót í Vestur-Skaftafellssýslu er eitt af stóru nöfnunum í sjóbirtingsveiðinni fyrir austan. Nú er að renna upp besti tíminn í birtingnum, en veiðin fer rólega af stað. Veiðin í Eldvatni er enn róleg. Sömu sögu er að segja úr Vatnsá. Veiði hófst í Tungulæk á föstudag en byrjar rólega. Fyrsti fiskurinn þar veiddist á Breiðunni og mældist hann 78 sentímetrar. Þessi fyrsti birtingur í Tungulæk tók púpuna Beyki eftir Gylfa Kristjánsson.

Góðu fréttirnar eru þó þær að hann er mættur í Tungufljótið og var Kristján Páll Rafnsson leigutaki að veiða þar síðustu daga og landaði níu fiskum. Þar af voru tveir laxar, en hann sendi okkur mynd af tveimur hreint út sagt frábærum fiskum sem hann veiddi í túrnum.

„Það er svakalega lítið vatn í ánni og lítið af fiski gengið upp. Þó er fiskur í flestum stöðum, lax og birtingur. Mest er af honum í Syðri-Hólma og hann bíður þar eftir rigningu. Ég náði laxi í Búrhyl en restina var ég að veiða í Syðri-Hólma,“ sagði Kristján Páll í samtali við Sporðaköst.

Hann landaði stærst 76, 81 og 82 sentímetra birtingum og tóku þeir ýmsar straumflugur og Frances-kón.

Mönnum ber saman um það að nú vanti alvöru sunnlenskt slagveður og helst í nokkra daga til að birtingurinn vaði upp í þessar perlur. Hvenær það gerist er óljóst.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Víðidalsá Stefán Elí Stefánsson 4. september 4.9.
101 cm Laxá í Dölum Hafþór Jónsson 27. ágúst 27.8.
102 cm Haukadalsá Ármann Andri Einarsson 23. ágúst 23.8.
103 cm Laxá í Aðaldal Birgir Ellert Birgisson 12. ágúst 12.8.
103 cm Miðsvæði Laxá í Aðaldal Máni Freyr Helgason 11. ágúst 11.8.
101 cm Laxá í Aðaldal Agnar Jón Ágústsson 10. ágúst 10.8.
101 cm Laxá í Aðaldal Richard Jewell 9. ágúst 9.8.

Skoða meira

Fleira áhugavert
Fleira áhugavert