Draumalisti veiðimannsins – 40 fiskar

Sporðaköst í samráði við sérfræðinga hafa sett saman Draumalista veiðimannsins - 40 fiskar sem allir vilja veiða á ferlinum. Listinn er nokkuð breyttur frá því sem var þegar við kynntum 30 fiska sem allir veiðimenn vildu komast í tæri við.

Nú er listinn tvískiptur. Tuttugu ferskvatnsfiskar og tuttugu sjávarfiskar. Reyndir íslenskir veiðimenn ættu strax að geta hakað í fimm til tíu af þessum lista. Við munum áfram fjalla um hverja tegund fyrir sig og leitum til veiðimanna sem hafa verið að eltast við þá fiska.

Sífellt fleiri íslenskir veiðimenn hafa sýnt áhuga á veiði í öðrum löndum. Bæði er það ævintýraþrá sem mörgum veiðimanninum er í blóð borin og mjög hækkandi verð á veiðileyfum gefur fleiri kostum aukið vægi. Á fjölmörgum stöðum og svo víða í heiminum er boðið upp á afbragðsveiði. Ekki er ólíklegt að þeim eigi eftir að fjölga sem ferðast til annarra landa til að veiða framandi fiska. Eða eins og einn góður veiðimaður orðaði það við Sporðaköst; „Margir eru að vakna upp við það að veiðin er ekki bara lax og silungur.“ Svo sannarlega ekki. En hér að neðan má sjá lokaútgáfuna af Draumalistanum. Hversu mörgum af þessum fjörutíu hefur þú landað?

Ferskvatnsfiskar

Atlantshafslax (Laxinn okkar)

Bleikja (Arctic char)

Kyrrahafslax (Hér er horft til Chinook sem er stærstur af fimm tegundum)

Laxaborri (Black Bass)

Regnbogasilungur (Veiðist stöku sinnum hér á landi)

Urriði (Þennan þekkjum við vel)

Steelhead (Laxakvísl regnbogasilungs)

Dónárlax (Huchen)

Gedda (Pike)

Taimen (Skyldur Hucho. Heimkynni eru Mongólía og Síbería) 

Golden Dorado (Heimkynni: Suður – Ameríka)

Harri (Grayling)

Ísaldarurriði (Þekkjum hann vel úr Þingvallavatni)

Sjóbirtingur (Einn af okkar aðal)

Styrja (Margar tegundir)

Vatnakarpi (Carp)

Tiger fish

Fengrani (Catfish)

Risaari (Arapaima)

Peacock Bass (Suður – Ameríka. T.d. Amazonfljótið)

Sjávarfiskar

Seglfiskur (Sail fish)

Lúða (Halibut)

Gráröndungur (Grey Mullet)

Oddnefur (Marlin)

Barri (Sea Bass)

Barracuda (Barrakúði skv. Hafró)

Giant Trevally

Silfurkóngur (Tarpon)

Bonefish

Parrotfish (Kóralætur – margar tegundir)

Þorskur (Cod)

Makríll

Túnfiskur (Bluefin) 

Ufsi (Pollack)

Steinbítur (Wolffish)

Mjólkurfiskur (Milkfish)

Permit (Syndir um í Karíba-, Kyrra- og Indlandshafi)

Triggerfish (Balistidae ættin - Peachfaced Trigger, Moustache Trigger)

Dorado/Dolphin (Einnig þekktur sem Mahi-mahi)

Hákarl (hvaða tegund sem er)

Seinustu hundraðkallar sumarsins