Stikla úr Allra síðustu veiðiferðinni

Hér er komin fyrsta stiklan úr væntanlegri gaman- og hasarmynd úr smiðju þeirra Markelsbræðra. Þetta er sjálfstætt framhald af Síðustu veiðiferðinni sem sló rækilega í gegn og heitir þessi mynd Allra síðasta veiðiferðin.

Nánast allir leikarar sem báru uppi fyrri myndina eru með. Nokkur stór nöfn bætast við og þar ber sennilega hæst nafn Sigurðar Sigurjónssonar sem leikur sjálfan forsætisráðherra í myndinni.

Stefnt er að frumsýningu í mars, ef Covid leyfir og verða að teljast býsna góðar líkur á að það gangi eftir. Þessi stikla gefur tóninn fyrir framhaldsmyndina sem þeir leikstjórar og framleiðendur Örn Marinó Arnarson og Þorkell Harðarson hafa sjálfir lýst sem meira rugli, meiri hasar og meira af víni.

• Blogga um frétt

Seinustu hundraðkallar sumarsins