Nýtt veiðitímabil, verðhækkanir og spenna

Nýtt veiðitímabil er formlega hafið. Til að fagna þessum langþráða áfanga efndu Sporðaköst til umræðuþáttar í tilefni dagsins. Gestir við spjallborðið eru þau Þröstur Elliðason, Inga Lind Karlsdóttir, Bjarki Már Viðarsson og Haraldur Eiríksson.

Margt bar á góma. Nýjar aðferðir sem skoskir veiðiverðir beita til að tryggja sem öruggasta göngu laxaseiða til sjávar. Mikið magn hnúðlaxaseiða sem fundist hefur að minnsta kosti í tveimur ám í Skotlandi. Hin sígilda umræða um verð á veiðileyfum og þá ekki síst þegar kemur að sjóbirtingsveiðinni. Þar komu fram mjög áhugaverð sjónarmið leikmanna og leigutaka.

Hið nýstofnaða Fluguveiðifélag Suðurnesja var til umræðu ásamt flestu því sem við kemur veiði á þessum merkisdegi.

Sporðaköst óska öllum veiðimönnum til hamingju með daginn og við færum ykkar fréttir af gangi mála á opnunardegi, síðar í dag og næstu daga.

• Blogga um frétt

Seinustu hundraðkallar sumarsins