Veiðin í Þverá í Borgarfirði hefur verið róleg eftir ágæta opnun. Fátt hefur borið til tíðinda nema í Kirkjustreng en þar hefur meirihluti veiðinnar verið. Þar var svo í blálokin á kvöldvaktinni í gær að það dró til tíðinda.

Snorri Arnar Viðarsson var að taka síðustu köstin í Klapparfljóti þegar hann fékk kröftuga töku. Og þvílíkur fiskur. Silfurbjartur hængur náðist í háfinn og hann mældist 104 sentímetrar. Þetta eru afar spennandi fréttir því í opnun í Laxá í Leirársveit fyrir nokkrum dögum veiddist 105 sentímetra fiskur. Það er afar áhugavert og ánægjulegt að sjá þessa stórlaxa vera á sveimi á Vesturlandi.

Losað úr fiskinum og undrunarblandinn ánægjusvipurinn á Snorra leynir sér ekki. Ljósmynd/SAV

Heimildarmaður okkar vissi ekki hvað flugu hann tók sá stóri en taldi það vera einhvers konar túbu með kón. Eins og myndirnar bera með sér er þetta magnaður fiskur og svo silfurbjartur að það eru ekki margar klukkustundir frá því að hann yfirgaf seltuna og lagði af stað upp Hvíta til að finna svo Þverá.

Tengdar fréttir

Hundraðkallar

Stærsti til þessa líklega endurkomulax

• „Hjónabandið hékk á bláþræði“
• Stærsti laxinn það sem af er sumri
• Svakalegur höfðingi mættur í Elliðaárnar
• Fjögur tilboð og hundraðkall í Blöndu

» Fleiri tengdar fréttir

• Blogga um frétt

Seinustu hundraðkallar sumarsins