Veiði | mbl | 11.8.2022 | 14:20

Víða erfið vika að baki í laxveiðinni

Fallegur hængur úr Hofsá sem veiddist í vikunni. Áin gaf vikuveiði upp á 143 laxa og er komin töluvert yfir lokatöluna í fyrra. Ljósmynd/SRP

Laxveiðin síðustu viku var víða róleg eða erfið, eftir því hvaða orð menn vilja nota yfir það. Í flestum ám dró verulega úr veiði milli vikna og kunna erfiðar aðstæður að spila þar lykilhlutverk.

Sérstaklega er áberandi að vikuveiðin var mun minni á vestanverðu landinu og einnig víða fyrir norðan. Rangárnar gáfu líka minni veiði en vikuna á undan. Einu árnar þar sem var stígandi í veiði voru ár á NA–horni landsins. Bæði Selá og Hofsá hækkuðu sig á listanum og gáfu báðar í kringum 140 laxa viku. Sennilega var vikan einna erfiðust í Laxá í Aðaldal en þar var veiðin aðeins tuttugu laxar og er hún komin í 253 laxa.

Framundan er stór straumur og verður forvitnilegt að sjá hvort göngur halda áfram á Austurlandi.

Hér má sjá topplistann eftir síðustu viku. Fyrsta talan er heildarveiði miðað við lok veiðidags í gærkvöldi. Síðan kemur tala innan sviga og er það veiðin á sama tíma í fyrra. Næst kemur tala yfir vikuveiðina og loks innan sviga vikuveiðin í vikunni þar á undan. Við bætum nú við tölu fyrir sömu viku í fyrra.

1. Ytri – Rangá og Vesturb. Hólsár 2.090 (1.417) Vikuveiði 383 (525). 2021 – 358

2. Eystri – Rangá 1.694 (1.605) Vikuveiði 372 (467). 2021 – 313

3. Þverá/Kjarrá 1.068 (957) Vikuveiði 76 (127). 2021 – 74

4. Norðurá 996 (1.125) Vikuveiði 66 (129). 2021 – 95

5. Miðfjarðará 837 (989) Vikuveiði 162 (223). 2021 – 170

6. Urriðafoss 798 (805) Vikuveiði (36). 2021 – 15 *Vantar nýjar tölur

7. Langá 650 (523) Vikuveiði 43 (82). 2021 – 29

8. Hofsá 641 (346) Vikuveiði 143 (134). 2021 – 63

9. Selá 637 (480) Vikuveiði 137 (103). 2021 – 85

10. Haffjarðará 635 (624) Vikuveiði 62 (76). 2021 – 36

11. Elliðaár 581 (407) Vikuveiði 54 (70). 2021 – 31

12. Laxá í Kjós 580 (511) Vikuveiði 50 (134). 2021 – 36

13. Laxá á Ásum 535 (418) Vikuveiði 86 (74) 2021 – 57

14. Jökla 520 (392) Vikuveiði 80 (80). 2021 – 98

15. Laxá í Leirársveit 497 (511) Vikuveiði (100). 2021 – 41 *Vantar nýjar tölur

16. Blanda 490 (399) Vikuveiði 57 (107). 2021 – 28

17. Grímsá 456 (382) Vikuveiði (53). 2021 – 65 *Vantar nýjar tölur

18. Stóra – Laxá 444 (289) Vikuveiði 37 (67). 2021 – 13

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.