Veiði | mbl | 17.9.2022 | 8:09 | Uppfært 8:28

Mögnuð stórlaxasería úr Stóru – Laxá

Jim Ray með þann stærsta úr Stóru - Laxá til þessa sumarið 2022. Þessi mikli hængur veiddist í Bergsnös. Hængarnir eru nú orðnir vígalegir og hausstórir. Ljósmynd/GÖP

Þaða er óhætt að segja að Stóra – Laxá hafi staðið undir nafni í gær. Hjónin Jim og Amy Ray frá Lyncburg Virgina í Bandaríkjunum voru við veiðar á neðra svæðinu. Þeim til halds og traust var Gunnar Örn Petersen sem er vinur þeirra hjóna. Jim var að koma til Íslands í níunda skipti frá árinu 2016.

Veiðigyðjan var honum afskaplega hliðholl í þetta skiptið og í þeim rómaða veiðistað Bergsnös settiJim í mjög stóran lax og eftir snarpa fimmtán mínútna viðureign landaði hann stærsta laxi sumarsins til þessa úr Stóru – Laxá. Hann mældist 101 sentímetri og staðfesti Gunnar Örn mælinguna í samtali við Sporðaköst. Vandlega var staðið að mælingunni og tók Gunnar Örn vídeó þessu til staðfestingar og fer ekki á milli mála að þessi hængur stóð 101 sentímetra. Hundraðkallinn hansJim tók svartaFranceskvart tommu meðhexakón.

Hér sést vel hversu stórvaxinn og tröllslegur þessi hængur er. Ljósmynd/GÖP

Einungis hálftíma síðar var þrenningin stödd í Kálfhagahyl og þá var komið að Amy. Hún landaði 82 sentímetra hrygnu á Collie dog númer fjórtán. Eftirminnilegur dagur fyrir þau öll.

Gunnar Örn sagði að eins og staðan væri núna í Stóru þá væri laxinn bundinn við lykilstaði fyrst og fremst. „Hann dreifir sér kannski meira við rigningu,“ sagði Gunnar Örn í samtali við Sporðaköst í gærkvöldi.

En það voru fleiri að setja í og landa stórlöxum í Stóru í gær. Veiðimaður landaði 99 og 97 sentímeta stórlöxum í Stekkjarnefi og Kálfhagahyl. Það er mögnuð stórlaxasería sem Stóra bauð upp á í gær. Gaman er að sjá hversu veiðimenn vanda sig við mælingar og um daginn veiddist lax í Stóru – Laxá hængur sem var mældur 99,5 sentímetrar. Um leið og Sporðaköst óskaJim til hamingju með hundraðkallinn tökum við hatt okkar ofan fyrir nákvæmum mælingum.

Hjónin Jim og Amy sátt með daginn. Stuttu síðar lönduðu þau 82 sentímetra hrygnu í Kálfhagahyl. Ljósmynd/GÖP

Stóra – Laxá hefur nú gefið um 720 laxa og þarf að fara aftur til ársins 2014 til að sjá sambærilega veiði í henni. Það sumar gaf hún 882 laxa og var það í kjölfar stóra ársins, 2013 þegar veiðin var hreint út sagt ótrúleg og var lokatalan það árið 1.776 laxar. Í fyrra gaf hún 564 laxa. Veiði í Stóru – Laxá hefur sveiflast mikið milli ára og um aldamótin var hún að gefa tvö til fjögur hundruð laxa og fékk þá á köflum viðurnefnið tóma laxá. En nú er öldin önnur.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.